સાઉથ આફ્રિકાની કોન્ટ્રાક્ટ લીસ્ટથી બહાર થયા ડેલ સ્ટેન

March 24, 2020
 127
સાઉથ આફ્રિકાની કોન્ટ્રાક્ટ લીસ્ટથી બહાર થયા ડેલ સ્ટેન

ક્રિકેટ સાઉથ આફ્રિકાએ સોમવારે સેન્ટ્રલ કોન્ટ્રાક્ટ લીસ્ટની જાહેરાત કરી હતી. આ યાદીમાં પ્રથમ વખત બ્યુરન હેનરિક્સને તક મળી છે. પેસર એનરીક નોર્ટજે, ઓલરાઉન્ડર ડ્વેન પ્રિટોરીયસ અને બેટ્સમેન રાસી વાન ડર ડુસેનને પણ આ વખતના કોન્ટ્રાક્ટ લીસ્ટમાં સામેલ કરવામાં આવ્યા છે. પરંતુ અહીંથી સૌથી હેરાની વાત એ રહી કે, આ લીસ્ટમાં ટીમના ઝડપી બોલર ડેલ સ્ટેનનું નામ નથી.

ક્રિકેટ સાઉથ આફ્રિકાએ ઓફીશીયલ સ્ટેટમેન્ટમાં કહ્યું છે કે, આ વખતે પણ અપગ્રેડ સીસ્ટમ પોતાની જગ્યા પર હશે. જે ખેલાડી આ વર્ષે શાનદાર પ્રદર્શન કરશે તેમને નેશનલ કોન્ટ્રાક્ટ અપગ્રેડ કરી દેવામાં આવશે. તેમાં નોન કોન્ટ્રાક્ટેડ ખેલાડી પણ સામેલ હશે.

તમને જણાવી દઈએ કે, સાઉથ આફ્રિકાની ટીમ આ વર્ષે ટી-૨૦ વર્લ્ડ કપમાં એક્શનમાં જોવા મળશે. ત્યાર બાદ ટીમને શ્રીલંકા, ઓસ્ટ્રેલિયા, પાકિસ્તાન અને ભારત, વેસ્ટ ઇન્ડીઝ અને શ્રીલંકાની સાથે સીરીઝ રમવાની છે.

આ અગાઉ સાઉથ આફ્રિકાની ટીમ ભારત સામે ત્રણ મેચની વનડે સીરીઝ રમવા ભારત આવી હતી જ્યાં પ્રથમ વરસાદના કારણે ધોવાયા બાદ ટીમની આગામી બે મેચને પણ રદ કરી દેવામાં આવી હતી. તેનું કારણ કોરોના વાયરસ હતું. તેમ છતાં બધા ખેલાડી સેલ્ફ આઈસોલેશનમાં ૧૪ દિવસ સુધી છે.

Share: