મોદીના કાશીમાં આજે પ્રિયંકાનો રોડ શો, સલેમપુરમાં જાહેર સભા

May 15, 2019
 199
મોદીના કાશીમાં આજે પ્રિયંકાનો રોડ શો, સલેમપુરમાં જાહેર સભા

વડાપ્રધાન નરેન્દ્ર મોદીની સંસદીય મતવિસ્તાર વારાણસીમાં આજે કોંગ્રેસ શક્તિ પ્રદર્શન કરશે. કૉંગ્રેસના રાષ્ટ્રીય મહાસચિવ પ્રિયંકા ગાંધીના રોડ શોને સફળ બનાવવા માટે કોંગ્રેસે પૂરી તાકાત લગાવી છે. આ ઉપરાંત, પ્રિયંકા ગાંધી સલેમપુરમાં જાહેર સભાને સંબોધન કરશે.

રાજ્યના પ્રવક્તા ડો. ઉમાશંકર પાંડેએ જણાવ્યું હતું કે પ્રિયંકા ગાંધી બપોરના ૨ વાગે સલેમપુરમાં રાજેશ મિશ્રાના સમર્થનમાં સભાને સંબોધન કરશે. તેના પછી, વારાણસીમાં કોંગ્રેસના ઉમેદવાર અજય રાયના પક્ષમાં સાંજે પાંચ વાગે બીએચયુ ગેટથી રોડ શો શરૂ કરશે. માલવીયા પ્રતિમાથી બાબા વિશ્વનાથ મંદિર સુધીના રોડ શો પછી, સાંજે ૭ વાગ્યે બાબા વિશ્વનાથ અને સવારે ૭.૩૦ કલાકે કાળ ભૈરવના દર્શન કરશે.

આ પહેલા કોંગ્રેસ પાર્ટીની મહાસચિવ પ્રિયંકા ગાંધી બુધવારે દેવરિયા જિલ્લાના સલેમપુરના બાપુ ઇન્ટર કોલેજના મેદાનમાં પ્રિયંકા ગાંધી ડૉ.રાજેશ કુમાર મિશ્રના પક્ષમાં બપોરના બે વાગે જાહેર સભાને સંબોધન કરશે.

Share: