મગજને વાંચી શકે તેવી ચિપ અને મશીન વિશેની ચર્ચા છેલ્લા કેટલાક વર્ષોથી થઈ રહી છે, પરંતુ અત્યાર સુધી મગજને વાંચી શકે તેવી ચિપ પ્રોટોટાઇપ સામે આવી રહી છે, પરંતુ હવે ચીનએ એક એવી ચિપ તૈયાર કરી છે જે તમારા મનને વાંચવામાં સક્ષમ છે. આ વિશિષ્ટ ચિપની પ્રથમ ઝાંખી તાજેતરમાં સમાપ્ત થયેલ વર્લ્ડ ઇન્ટેલિજન્સમાં જોવા મળી હતી.
આ તૈયાર કરનાર સંશોધકોએ દાવો કરે છે કે આની મદદથી માનવ મગજમાં ચાલી રહેલ વાતોને વાંચી શકે છે અને સાથે એવો પણ દાવો કરવામાં આવ્યો છે કે આ ચિપની મદદથી માણસ ખાલી વિચારીને તેના સ્માર્ટફોનને નિયંત્રિત કરી શકે છે. આ ખાસ ચિપને વૈજ્ઞાનિકોને બ્રેન ટોકર નામ આપવામાં આવ્યું છે. આ ચિપ મગજમાં ચાલતી વિદ્યુત તરંગોના આધારે કામ કરશે અને તે પછી તેના દ્વારા પ્રાપ્ત સંકેતોને કમ્પ્યુટરથી ડીકોડ કરવામાં આવશે.
તિયાનજિન યુનિવર્સિટી અને ચાઈના ઇલેક્ટ્રોનિક કોર્પોરેશને તૈયાર કર્યું છે
મન વાંચનાર આ ચિપને ચીનની બે સંસ્થાઓ દ્વારા તૈયાર કરવામાં આવી છે. આ પ્રોજેક્ટ માટે તિયાનજિન યુનિવર્સિટી અને ચાઈના ઇલેક્ટ્રોનિક કોર્પોરેશનએ સાથે મળીને કામ કર્યું છે. વૈજ્ઞાનિકો નું માનવું છે કે આ ચિપ દિવ્યાંગો માટે વરદાન પુરવાર થશે. તેમનો દાવો છે કે આ ચિપનો ઉપયોગ કરીને દર્દી વિચારીને તેમની વ્હીલચેરને ચલાવવામાં મદદ મળશે. તેના દ્વારા કમ્પ્યુટરને સ્પર્શ કર્યા વિના પણ નિયંત્રિત કરી શકાય છે.
