આ જેલમાં કેદીઓને આપવામાં આવે છે ઑનલાઇન શોપિંગની ખાસ સુવિધા

June 11, 2019
 411
આ જેલમાં કેદીઓને આપવામાં આવે છે ઑનલાઇન શોપિંગની ખાસ સુવિધા

જેલ એક એવી જગ્યા છે જ્યાં અલગ-અલગ ગુનાઓમાં સામેલ આરોપીને રાખવામાં આવે છે. ગુનેગારોને તેમના ગુનાની સજા આપવા માટે જેલમાં રાખવામાં આવે છે. આવી પરિસ્થિતિમાં તેઓને જેલની અંદર વિવિધ પ્રકારના બંધનોમાં રહેવું પડે છે, તેમને ઘણી વસ્તુઓ પ્રદાન કરવામાં રોકવામાં આવે છે. પરંતુ આજે અમે તમને એક એવી જેલ વિશે જણાવવા જઈ રહ્યા છીએ જ્યાં ગુનેગારો માટે એક ખાસ સુવિધા શરૂ કરવામાં આવી છે. જો જેલમાં બંધ કેદીઓને આવી સુવિધાઓ આપવામાં આવે છે, તો તે તેમના માટે ખૂબ જ ઉત્સાહ જનક વાત હશે.

જે બાબતની આપણે વાત કરી રહ્યા છે તે દક્ષિણ ચીનના ગુઆંગડોંગની છે. ગુઆંગડોંગ પ્રાંતની જેલમાં બંધ કેદીઓ ને જ આ ખાસ સુવિધા આપવામાં આવી રહી છે. ખરેખર ચીનના ગુઆંગડોંગની જેલમાં બંધ કેદીઓ માટે ઑનલાઇન શૉપિંગ શરૂ કરવા માટે ખાસ પ્લેટફોર્મની શરૂઆત કરવામાં આવ્યું છે. જેના દ્વારા કૈદી જેલમાં રહીને ઇન્ટરનેટની મદદથી ઑનલાઇન શોપિંગ કરી શકે છે.

આ ખાસ સુવિધા નીચે કેદીઓને દર મહિને એકવાર ૩ હજાર રૂપિયાની ઑનલાઇન ખરીદી કરવાની તક મળશે, શોપિંગ કરવા માટે ખાસ મશીનની મદદ લેવામાં આવશે જેમાં કૈદી તેની ફિંગરપ્રિન્ટ અથવા પાસવર્ડ દાખલ કરશે અને તેની મદદથી તે ખરીદી કરી શકશે. ગુઆંગડોંગની જેલમાં વહીવટી બ્યુરો દ્વારા જાન્યુઆરીથી એપ્રિલ મહિનાની વચ્ચે આ ખાસ સુવિધાને શરૂ કરવા માટે પાઇલટ પ્રોજેક્ટ હેઠળ કામ કરવામાં આવ્યું હતું. આ દરમિયાન કેદીઓએ ૪ લાખ રૂપિયાની શોપિંગ કરી હતી, જેમાં લગભગ ૧૩ હજાર ઓર્ડર બુક કરાયા હતા. આ પ્રોજેક્ટ સફળ થયા પછી આ સુવિધાને કેદીઓ માટે શરૂ કરી દેવામાં આવી.

જેલની અંદર દરેક બિલ્ડિંગમાં એક માર ઑનલાઇન શોપિંગ માટે તૈયાર કરવામાં આવી છે જ્યાં જઈને કૈદી જરૂરિયાતનો સામાન ખરીદી શકે છે જેમાં સિગારેટ, ભેટ, બિન-ખાદ્ય વસ્તુઓ પણ શામેલ છે. આવી રીતે કેદીઓને ૨૦૦ થી વધારે વસ્તુઓની ખરીદી કરવાની તક મળશે.

Share: