જમ્મુ કાશ્મીરમાં કિશ્તવાડના જંગલોમાં સેનાને મળી આવી આતંકી ગુફા

June 11, 2019
 422
જમ્મુ કાશ્મીરમાં કિશ્તવાડના જંગલોમાં સેનાને મળી આવી આતંકી ગુફા

જમ્મુ સંભાગના કિશ્તવાડના કેશવાન વિસ્તારમાં સેનાની ૨૬ રાષ્ટ્રીય રાઇફલ અને પોલીસની ખાસ ટુકડીએ એક આતંકવાદી કેમ્પને તોડી દીધી છે. સુરક્ષાદળોની કાર્યવાહી પહેલા જ આતંકવાદીઓ ભાગી ગયા હતા. ત્યાંથી દારૂગોળો ઉપરાંત ખાવા-પીવાની વસ્તુઓ પણ પકડવામાં આવી છે.

સેનાને જાણ કરવામાં આવી હતી કે, જંગલમાં ઘેરા કેશવાનમાં લશ્કર-એ-તોઇબાના આતંકવાદી જમાલ દિન તેના કેમ્પમાં આરામની જિંદગી જીવે છે. સેના અને પોલીસ જવાનોએ સમગ્ર વિસ્તારને ઘેરી શોધ કામગીરી શરૂ કરી છે. સુરક્ષાદળને એક ટેકરી મળી જેનો ઉપરનો ભાગ નાનો કાપેલ હતો. તેમને શંકા પડી. તેને સૂકા છોડથી છુપાવી રાખી હતી. જ્યારે સુરક્ષા દળોએ છોડને દૂર કરવાનું શરૂ કર્યું, ત્યારે એક નાનો ખુલ્લો ભાગ મળ્યો. જ્યારે એક યુવાન અંદર ગયો ત્યારે તેમાં ઘર જેવું વાતાવરણ જોવા મળ્યું હતું.

જો કે તેમાં અંદર ઉભા રહેવા માટે કોઈ જગ્યા નથી, પરંતુ તેની લંબાઈ વધારે હતી. ત્યાં જરૂરિયાતની દરેક વસ્તુઓ હતી. એકે-૪૭ ની ગોળીઓથી ભરેલ ત્રણ મેગેઝિન, ખાવા-પીવાનો સામાન જેમાં લોટ, ચોખા, મેગી, રસ, નારિયેળ, ગેસ સિલિંડર, ચૂલા, ધાબળા, કપડાં, દવાઓ વગેરે જેવા ખાદ્ય પદાર્થો મળી આવ્યા. એવું લાગે છે કે સેનાનાં આવતાં પહેલાં આતંકવાદીઓ ભાગી ગયા છે. સેનાને આશંકા છે કે આતંકવાદીઓ દૂર નહીં ગયા હોય. સેનાની શોધ-ખોળ કામગીરી ચાલુ છે.

Share: