દુનિયાની સૌથી મોટી ઇન્સ્ટન્ટ મેસેજિંગ સર્વિસ આપનાર કંપની વોટ્સએપે એકીસાથે ઘણાં બધા (બલ્ક) મેસેજ મોકલનારા લોકો સામે મોટો નિર્ણય લીધો છે. વોટ્સએપ હવે એવા લોકોનું એકાઉન્ટ બંધ કરશે જેઓ બલ્ક માં દરરોજ મેસેજ મોકલે છે. સાથે કંપની એવા લોકો સામે કાનૂની કાર્યવાહી પણ કરી શકે છે. જાણો તેના વિશે વિગતવાર જાણકારી ...

વોટ્સએપે તેના બ્લોગમાં જણાવ્યું છે કે, તે એવા લોકોનું વોટ્સએપ એકાઉન્ટ બંધ કરશે જે બલ્ક માં અન્ય લોકોને મેસેજ મોકલે છે. તેની શરૂઆત ૭ ડિસેમ્બર ૨૦૧૯ થી કરવામાં આવશે. કંપની એ તેના બ્લોગમાં જણાવ્યું હતું કે વોટ્સએપ પર ૯૦ ટકા મેસેજ ખોટા (ફેક) હોય છે, પરંતુ છેલ્લાં કેટલાંક વર્ષોમાં બલ્ક મેસેજનું વલણ ચાલી રહ્યું છે.

બલ્ક મેસેજ સૌથી વધારે બધા રાજકીય પક્ષો અને ડિજિટલ માર્કેટિંગ કરનારાઓ દ્વારા મોકલવામાં આવે છે. તેની આગેવાની હેઠળ દરેક પ્રકારના ખોટા સમાચાર પણ દરરોજ મોકલવામાં આવે છે. આવામાં વોટ્સએપ નું આ પગલું જથ્થાબંધ મેસેજ અને બનાવટી સમાચારને રોકવા માટે ઉપયોગમાં લેવામાં આવશે.

વોટ્સએપે જણાવ્યું હતું કે જો કોઈ એકાઉન્ટમાંથી ૧૫ સેકંડમાં ૧૦૦ મેસેજ મોકલવામાં આવે છે, તો તે એકાઉન્ટને બલ્ક મેસેજનો ગુનેગાર ગણવામાં આવશે અને તેનું એકાઉન્ટ બંધ કરી દેવામાં આવશે. આ ઉપરાંત જો એકાઉન્ટ બનાવ્યાના 5 મિનિટ પછી ઘણા બધા લોકોને મેસેજ મોકલવામાં આવે છે, તો પણ કંપની તેની સામે પગલાં લેશે.

કંપની તે એકાઉન્ટ્સ પણ બંધ કરશે જેને થોડા સમય પહેલા જ બનાવ્યું હોય અને એકીસાથે ઘણાં બધા ગ્રુપ બનાવ્યા કરે છે. ઉદાહરણ તરીકે જો તમે કોઈ વોટ્સએપ એકાઉન્ટ બનાવો છો અને તરત જ ઘણા બધા ગ્રુપ બનાવો છો અને તેમાં ઘણાં લોકોને જોડો છો, તો કંપની તમારું એકાઉન્ટ બંધ કરી શકે છે.