વર્લ્ડ કપ ૨૦૧૯ ના હીરોને મળી આ ગીફ્ટ, હવે ટેસ્ટમાં પણ મચાવશે ધમાલ

July 18, 2019
 94
વર્લ્ડ કપ ૨૦૧૯ ના હીરોને મળી આ ગીફ્ટ, હવે ટેસ્ટમાં પણ મચાવશે ધમાલ

વર્લ્ડ કપ વિજેતા ઇંગ્લેન્ડ ક્રિકેટ ટીમના ઓપનર બેટ્સમેન જેસન રોયને પ્રથમ વખત ટેસ્ટ ટીમમાં સામેલ કરવામાં આવ્યા છે. ક્રિકઈંફોની રિપોર્ટ અનુસાર, ઇંગ્લેન્ડ માટે અત્યાર સુધી ૮૪ વનડે મેચ રમી ચુકેલા જેસન રોયની પાસે હવે ટેસ્ટ ક્રિકેટમાં પણ શરૂઆત કરવાની તક હશે. તેમને આર્યલેન્ડ સાથે રમાવનારી એકમાત્ર ટેસ્ટ મેચ માટે ૧૩ સભ્યોની ટીમમાં પસંદ કરવામાં આવ્યા છે.

ઇંગ્લેન્ડને ૨૪ જુલાઈથી લોર્ડસમાં આર્યલેન્ડ સાથે એક માત્ર ટેસ્ટ મેચ રમવાની છે. જેસન રોય હવે રોરી બર્ન્સ સાથે આ મેચમાં ઇનિંગની શરૂઆત કરી શકે છે. પસંદગીકર્તાઓએ જેસન રોય સિવાય લુઇસ ગ્રેગરીને પણ પ્રથમ વખત ટેસ્ટ ટીમમાં તક આપવામાં આવી છે.

વર્લ્ડ કપ ફાઈનલની સુપર ઓવર ફેંકનાર ઝડપી બોલર જોફરા આર્ચરને અત્યારે ટેસ્ટ ટીમમાં તક મળી નથી. જોફરા આર્ચર ઈજાના કારણે આ મેચમાં રમી શકશે નહીં.

વર્લ્ડ કપ ફાઈનલ મેંચમાં પગના સ્નાયુ ખેંચાઈ ગયા હોવાના કારણે ઝડપી બોલર માર્ક વુડ પણ આ મેચના ભાગ હશે નહીં. તેમને આગામી છ અઠવાડિયા સુધી આરામ આપવામાં આવ્યો છે.

ઇંગ્લેન્ડ ટેસ્ટ ટીમ આ પ્રકાર છે : જો રુટ (કેપ્ટન), મોઈન અલી, જેમ્સ એન્ડરસન, જોની બેયરસ્ટો, સ્ટુઅર્ટ બ્રોડ, રોરી બર્ન્સ, સૈમ કુરેન, લુઇસ ગ્રેગરી, જેક લીચ, જેસન રોય, ઓલી સ્ટોન, ક્રીસ વોક્સ.

Share: