હાઈકોર્ટનો આદેશ : સોશિયલ ડિસ્ટન્સિંગનો ભંગ કરનારા નેતાઓ પાસેથી વસૂલવામાં આવે દંડ

October 06, 2020
 4882
હાઈકોર્ટનો આદેશ : સોશિયલ ડિસ્ટન્સિંગનો ભંગ કરનારા નેતાઓ પાસેથી વસૂલવામાં આવે દંડ

ગુજરાત હાઈકોર્ટે કોરોના યુગ દરમિયાન લોકો-નેતાઓના ગેરવાજબી વર્તનનું નિરીક્ષણ કર્યું હતું અને વર્તનની સાથે સામાજિક અંતરના ઉલ્લંઘન અંગે પણ ચિંતા વ્યક્ત કરી છે. હાઈકોર્ટે સરકારને આદેશ આપ્યો હતો કે, કોરોના વાયરસ રોગચાળા દરમિયાન પણ માસ્ક ન પહેરતા લોકો અને રાજકારણીઓ સામે કડક કાર્યવાહી કરો અને દંડ વસૂલ કરો.

મુખ્ય ન્યાયાધીશ વિક્રમનાથ અને ન્યાયાધીશ જે બી પારડીવાલાની પારડીવાલાની ખંડપીઠે સરકારી વકીલને આ મામલે કડક કાર્યવાહી કરવા ટકોર કરી હતી. કોર્ટે એ જાણવાની પણ માંગ કરી છે કે, સરકારે રેલી કાઢનારા નેતાઓ સામે કેમ પગલાં નથી લીધાં? હાઈકોર્ટ વારંવાર ટકોર કરતી રહી છે તો પણ સરકારે કેમ જવાબદારો સામે પગલાં લીધાં નથી?

સરકારે દંડની રકમનો ઉપયોગ કરવો જોઈએ

કોરોના ફેલાવા અને ચેપ અટકાવવાના સંબંધમાં જાહેર થૂંકવા પર દંડ ફટકારવામાં આવી રહ્યો છે. રાજકોટમાં ૧,૫૧,૬૬૯ લાખ લોકો પાસેથી ૬.૫૦ કરોડ દંડ વસૂલાયો છે. આ અંગે હાઈકોર્ટે કહ્યું કે, તે ઘણી મોટી રકમ છે. કોર્ટને લાગે છે કે, સરકારે તેનો યોગ્ય ઉપયોગ કરશે.

Share: