રાષ્ટ્રીય દોડવીર દુતી ચંદ વર્લ્ડ યુનિવર્સીટી રમતોમાં ૧૦૦ મીટરની રેસમાં ગોલ્ડ મેડલ જીતી આ રમતોમાં ટોપ પર રહેનારી પ્રથમ ભારતીય મહિલા ટ્રેક અને ફિલ્ડ ખેલાડી બની ગઈ છે. તેવિસ વર્ષની દુતી ચંદે ૧૧.૩૨ સેકેન્ડનો સમય લઈને રેસ જીતી હતી. ચોથી લાઈનમાં દોડતા આઠ ખેલાડીઓમાં પ્રથમ નંબર પર રહી છે. સ્વિટ્ઝર્લેન્ડની ડેલ પોંટે (૧૧.૩૩ સેકેન્ડ) બીજા સ્થાન પર રહી હતી. જર્મનીની લીસ ક્વાયીએ બ્રોન્ઝ મેડલ જીત્યું હતું.

ઓડીશાની દુતી ચંદ વર્લ્ડ સ્પર્ધામાં ગોલ્ડ મેડલ જીતનારી હિમા દાસ બાદ બીજી ભારતીય એથલીટ બની ગઈ છે. હિમા દાસે છેલ્લા વર્ષે વર્લ્ડ જુનીયર એથલેટીકસ ચેમ્પિયનશીપમાં ૪૦૦ મીટરમાં ગોલ્ડ મેડલ જીત્યું હતું. દુતી ચંદે એશિયન રમત ૨૦૧૮ માં ૧૦૦ અને ૨૦૦ મીટરમાં સિલ્વર મેડલ જીત્યું હતું. તે યુનિવર્સીટી રમતમાં ગોલ્ડ મેડલ જીતનાર બીજી ભારતીય ખેલાડી બની ગઈ છે. તેમની પહેલા ઇન્દરજીત સિંહે ૨૦૧૫ માં પુરુષોના શાટપુટમાં ગોલ્ડ જીત્યું હતું.

રાષ્ટ્રપતિ રામનાથ કોવિંદે દુતી ચંદને ટ્વીટર પર શુભેચ્છા પાઠવતા જણાવ્યું હતું કે, “યુનિવર્સીટી રમતોમાં ૧૦૦ મીટર ફર્રાટા જીતવા પર દુતી ચંદને શુભકામનાઓ. આ ભારતનું આ રમતમાં પ્રથમ ગોલ્ડ છે અને અમે ગૌરવનો અનુભવ કરી રહ્યા છીએ. આ પ્રદર્શનને ઓલોમ્પિકમાં જાળવી રાખે.” રમત મંત્રી કીરેન રીજીજીએ જણાવ્યું છે કે, “હું બાળપણથી આ રમતોમાં ગોલ્ડની રાહ જોઈ રહ્યો છુ. આખરે ભારતને ગોલ્ડ મેડલ મળ્યું. દુતી ચંદને વર્લ્ડ યુનિવર્સીટી રમતોમાં ગોલ્ડ જીતવા પર શુભકામનાઓ.”