ગુજરાતમા પાટીદાર અનામત આંદોલનના નેતા હાર્દિક પટેલ ટૂંક જ સમયમાં લગ્ન કરવા જઈ રહ્યા હોવાના સમાચાર સામે આવી રહ્યા છે. જેમાં હાર્દિક પટેલે ખુદ પોતાના લગ્ન કુટુંબની મરજી મુજબ જ કરશે. જો કે તેની સાથે હવે ફેસબુક પર હાર્દિક પટેલની સાથે લગ્ન કરનારી યુવતી કિંજલ પરીખની તસ્વીરો પણ વાયરલ થઈ રહી છે. જેમાં વિવિધ પાટીદાર ગ્રુપોમાં હાર્દિક પટેલ સાથે લગ્ન કરનારી યુવતીના ફોટા જોવા મળી રહ્યા છે. આ યુવતી હાર્દિક પટેલની બાળપણની મિત્ર હોવાનું અને હાલ ગાંધીનગરમાં એલ.એલ. બીનો અભ્યાસ કરી રહી હોવાની વિગતો સામે આવી છે. તેમજ હાર્દિક પટેલ તેના લગ્ન ખુબ જ સાદાઈથી કરવાના છે.

આ ઉપરાંત હાર્દિક પટેલના પરિવારે માર્ચ ૨૦૧૬માં જયારે હાર્દિક પટેલ જેલમાં હતા ત્યારે તેમની સગાઈની જાહેરાત કરી દીધી હતી.જયારે હાર્દિક પટેલના લગ્નને લઈને તેમણે મોટો ખુલાસો કર્યો છે. જેમાં હાર્દિક પટેલે અમદાવાદ એરપોર્ટ પર પૂછવા આવેલા તેમના લગ્નના સવાલમાં તેમણે જણાવ્યું હતું કે પરિવાર જેમ કહેશે તેમ કરીશ. તેમજ લોકો  મારી પર આક્ષેપ લગાવે છે કે મારા બહેનના લગ્નમાં ૫૦ કરોડનો ખર્ચ કર્યો હતો તેથી હું મારા લગ્નમાં ૧૦૦ કરોડનો ખર્ચ કરીશ તેમ હસતા હસતા જણાવ્યું હતું.

જો કે, સુત્રો દ્વારા મળતી માહિતી મુજબ હાર્દિક પટેલ આગામી ૨૬ અને ૨૭ જાન્યુઆરીએ કિંજલ સાથે લગ્ન ગ્રંથિથી જોડાશે. જ્યારે તેના લગ્ન સુરેન્દ્રનગરના દિગસરના દાણાવાડા ગામમાં સાદગીપૂર્ણ રીતે યોજાશે. હાર્દિક પટેલનના લગ્ન સમાજના રીતરીવાજ પ્રમાણે થશે, ખાસ કરીને તેના લગ્નમાં નજીકના પરિવારજનોને જ આમંત્રિત કરવામાં આવશે. હાર્દિકના કિંજલ નામની યુવતી સાથે ફેરા ફરશે, જ્યારે લગ્ન સમારોહમાં હાર્દિકના પક્ષે લગભગ ૫૦ જેટલા લોકો હાજર રહેશે. જ્યારે કન્યા પક્ષે પણ આટલાં જ લોકોની હાજરી હશે. લગ્ન અંગે હાર્દિક પટેલે પ્રતિક્રિયા આપતાં જણાવ્યું હતું કે, મને પણ વોટસએપથી આવા અહેવાલની જાણ થઇ છે. જોકે, પરિવારે જે નક્કી કર્યું હશે તે સ્વીકારવું પડશે.