ટ્રમ્પની મુલાકાતને પગલે અમદાવાદની આખી રોનક બદલાઈ ગઈ છે. કરોડોના ખર્ચે નવા માર્ગો પર ફૂલોથી સજાવટ કરવામાં આવી રહી છે. જો કે, મોંઘેરા મહેમાન ટ્રમ્પની નજર અમદાવાદના ગરીબો પર ન પડે તે માટે ઝૂપડપટ્ટીને ય ઢાંકી દેવામાં આવી છે. એરપોર્ટ નજીક ઝૂપડપટ્ટી આગળ સાત ફૂટ ઊંચી દિવાલ ચણી લેવામાં આવી છે. જેના કારણે આ મુદ્દે વિવાદનું કારણ બન્યું છે.

સોશિયલ મીડિયામાં આ ટોપિક ચર્ચાસ્પદ બન્યો છે. એટલું જ નહિ, પણ ગુજરાત મોડેલ પર ઠેકડી ઉડી રહી છે. હવે આ મુદ્દે ગુજરાતમાં રાજકારણ શરૂ થયું છે. એનસીપીના વડા શંકરસિંહ વાઘેલાએ હવે આ મામલે રૂપાણી સરકારને ઘેરવા નક્કી કર્યું છે. આજે બપોરે ૨ વાગે શંકરસિંઘ વાઘેલા એરપોર્ટ નજીકની ઝુપડપટ્ટીમાં જઈને લોકોની વેદના જાણશે.