આઈપીએલ ફ્રેન્ચાઈઝી મુંબઈ ઇન્ડિયન્સની માલિક અને આંતરરાષ્ટ્રીય ઓલોમ્પિક સમિતિની પ્રથમ મહિલા ભારતીય સભ્ય નીતા અંબાણીને ટેનીસ સુપરસ્ટાર સેરેના વિલિયમ્સ અને જિમ્નાસ્ટ સિમોન બાઈલ્સ સાથે ૨૦૨૦ માટેની રમતોમાં ૧૦ સૌથી પ્રભાવશાળી મહિલાઓની યાદીમાં સામેલ કરવામાં આવ્યા છે.
રમત વ્યવસાયના નેટવર્ક આઈ સ્પોર્ટ્સ કનેક્ટને ૨૦૨૦ માટે પ્રભાવશાળી મહિલાઓની યાદી જાહેર કરી છે. તેમાં કહેવામાં આવ્યું છે કે, શરૂઆતમાં તેમાં ૨૫ મહિલાઓને પસંદ કરવામાં આવી હતી જ્યારે અમારી પેનલમાં સામેલ નિષ્ણાતોની રાય બાદ દસ કરી દેવામાં આવી હતી. તેમના અનુસાર અંબાણીની આગેવાનીમાં મુંબઈ ઇન્ડિયન્સ આઈપીએલ ઈતિહાસની સૌથી સફળ ફ્રેન્ચાઈઝી બની તથા દેશના વિભિન્ન રમતોની ઘણી પરિયોજનાઓમાં સામેલ છે.
આ યાદીમાં નીતા અંબાણી સિવાય ટેનીસ સ્ટાર સેરેના વિલિયમ્સન અને નાઓમી ઓસાકા, જિમ્નાસ્ટ સિમોન બાઈલ્સ, ફૂટબોલર મેગાન રેપીનો, ફોર્મુલા વનની માર્કેટિંગ અને કોમ્યુનિકેશન્સ ડિરેક્ટર એલી નોર્મન, ડબ્લ્યુએનબીએની કમિશનર કેથી ઈંગલબર્ટ, ફીફા મહાસચિવ ફાતમા સમોરા, સ્પેશલ ઓલોમ્પિકની સીઈઓ મેરી ડેવીસ અને ઇસીબીની મેનેજિંગ ડિરેક્ટર વુમન્સ ક્રિકેટ ક્લેરી કોનોરને સામેલ કરવામાં આવી છે.