1. રેડ રોઝ
વેલેન્ટાઈન્સ વીકની થઈ ગઈ છે શરૂઆત અને આ અઠવાડિયાનો પહેલો દિવસ છે જેને રોઝ ડે તરીકે ઉજવવામાં આવેછે. જેમાં તમે તમારા પ્રિયને મનપસંદ ફૂલ આપીને તમારા દિલની વાત કહી શકો છો. જેમાં પણ ગુલાબનો રંગ પણ મહત્વનો છે. તો આવો જાણીએ કયા રંગના ગુલાબના ફૂલનો શું છે મતલબ છે.
૭ ફેબ્રુઆરીએ એટલે કે આ વીકના પહેલા દિવસે હોય છે રોઝ ડે અને આ દિવસે લોકો પોતાના પ્રેમનો એકરાર કરવા માટે ગુલાબના ફૂલનો સહારો લે છે. વધુ કંઈ બોલ્યા વગર સામેવાળી વ્યક્તિને પોતાની લાગણીઓની જાણ કરવીનો સારો વિકલ્પ છે ગુલાબ.
રેડ રોઝ
આ ગુલાબના ફૂલનો સૌથી કૉમન કલર છે જે પ્રેમને દર્શાવે છે. રેડ રોઝ રોમાન્સ, પેશન અને લાગણીઓ સાથે જોડાયેલું છે. લાલ ગુલાબની સૌથી મહત્ત્વની વાત એ છે કે આ ગુલાબ આપીને તમે સામેવાળી વ્યક્તિને એ કહેવાનો પ્રયાસ કરી રહ્યાં છો કે તમે તે વ્યક્તિને પ્રેમ કરો છો એટલે આઈ લવ યૂ કહેવાનો સૌથી સરળ ઉપાય છે લાલ ગુલાબ
2. પીળું ગુલાબ
પીળું ગુલાબ મિત્રોને આપવા માટે બેસ્ટ માનવામાં આવે છે કારણ કે પીળો રંગ જોશપૂર્ણ અને તાજગી-ઉત્સાહ આપનારું માનવામાં આવે છે. સાથે જ પીળો રંગ ખુશી અને સારા સ્વાસ્થ્યનું પણ પ્રતિક છે. જો તમે તમારા મિત્રોને કહેવા માગો છો કે તમે તેેને પ્રેમ કરો છો અને તમારા દિલમાં તે મિત્રની ખાસ જગ્યા છે તો તમે તેને પીળું ગુલાબ આપી શકો છો.
3. સફેદ ગુલાબ
શું તમે કોઈ મિત્ર સાથે તૂટી ગયેલા સંબંધ ફરીથી જોડવા માગતા હોવ, જૂની લડાઈને ભૂલીને એક નવા સંબંધની શરૂઆત કરવા માગતા હોવ તો સફેદ ગુલાબ એક સારો વિકલ્પ છે. સફેદ ગુલાબ સાદગી, વિનમ્રતા અને દિલમાં સારી વાતોનું પ્રતિક છે.
4. ગુલાબી ગુલાબ
ગુલાબી ગુલાબ સામેવાળી વ્યક્તિ પ્રત્યે તમારી કૃતજ્ઞતા અને ધન્યવાદ કરવાની ભાવનાને દર્શાવે છે. વેલેન્ટાઈન્સ ડે માત્ર પાર્ટનરને પ્રેમ કરવા માટે નથી હોતો પરંતુ આ દિવસે તો તમે ઈચ્છો તેને, માતા-પિતા, ટીચર કે ભાઈ-બહેનને પણ પ્રેમ જતાવી શકો છો. કોઈ પણ વ્યક્તિને ધન્યવાદ કહી શકો છો. જો કોઈને ધન્યવાદ કહેવું હોય તો તે વ્યક્તિને ગુલાબી ગુલાબ આપી શકો છો.
5. લવન્ડર ગુલાબ
શું તમને લવ એટ ફર્સ્ટ સાઈટ થઈ ગયો છે? જો આપનો જવાબ હા છે તો તમે સામેવાળી વ્યક્તિને લવન્ડર ગુલાબ આપી પોતાની લાગણી તે વ્યક્તિ સામે મૂકી શકો છો. જોકે લવન્ડરગુલાબ એટલી સરળતાથી માર્કેટમાં નથી મળતું અને આ રંગના ગુલાબને શોધવા માટે તમારે ઘણી મહેનત કરવી પડે છે.