દિગ્ગજ માઈક્રોબ્લોગિંગ સાઈટ ટ્વીટરે ફેક ન્યુઝ પર રોક લગાવવા માટે ઓસ્ટ્રેલિયા, યુરોપ અને ઇન્ડિયામાં પોલેટીકલ એડ ટ્રેકિંગ ટુલ લોન્ચ કર્યું છે. આ ટુલની મદદથી ટ્વીટર પર પ્રમોટ કરવામાં આવી રહેલા કન્ટેન્ટ માટે કોણે પૈસા આપ્યા છે તે યુઝર્સ જોઈ શકશે. એટલે હવે યુઝર્સ ટ્વીટરના ટ્રાન્સપરેન્સી સેન્ટર પર જાહેરાતની સચાઈની તપાસ કરી શકશે. તમને જણાવી દઈએ કે, છેલ્લા થોડા સમયથી ફેસબુક, વ્હોટ્સએપ અને ટ્વીટર પર ફેક ન્યુઝ પર રોક લગાવવા માટે દબાવ બનાવવામાં આવી રહ્યો છે.

જયારે તાજેતરમાં ટ્વીટર પર આરોપ લગાવ્યો હતો કે, તે યુઝર્સ દ્વ્રારા શેર કરવામાં આવેલ મેસેજને સ્ટોર કરે છે. એક ઓનલાઈન રીપોર્ટમાં કહેવામાં આવ્યું છે કે, ટ્વીટર પોતાના યુઝર્સના મેસેજને લાંબા સમય સુધી સ્ટોર કરી રાખે છે અને તેમાં તે મેસેજ પણ સામેલ છે જેને યુઝર્સ ડીલીટ કરી દેશે. તેની સાથે જ ટ્વીટર તે ડેટાનો પણ સ્ટોર કરે છે જે ડીલીટ થયેલા એકાઉન્ટસ દ્વ્રારા ક્યારેય શેર અથવા રીસીવ કરવામાં આવ્યા હતા.

તમને જણાવી દઈએ કે, આ અગાઉ વ્હોટ્સએપે પણ ફોરવર્ડ ફીચરને બસ પાંચ કોન્ટેક્ટસ સુધી લીમીટ કરી દીધી હતી, જેનાથી એક જ મેસેજ પાંચથી વધુ લોકોને ફોરવર્ડ ના કરી શકાઈ. જ્યારે ૨૦૧૯ લોકસભા ચુંટણી પહેલા વ્હોટ્સએપની જવાબદારી પણ વઘી ગઈ છે. વ્હોટ્સએપે જાણકારી આપી દીધી છે કે, કેવી રીતે બલ્ક અને ઓટોમેટેડ મેસેજેસની પ્રોબ્લમને મશીન લર્નિંગની મદદથી કંપની દુર કરી રહી છે અને એક્શન લઇ રહી છે.