ટીવી એક્ટ્રેસ હિના ખાન ઘણીવાર તેના લૂકસને લઈને ચર્ચામાં રહે છે. તાજેતરમાં તે એકવાર ફરીથી તેના લૂકના કારણે ચર્ચામાં આવી છે. રવિવારે હિના ખાન 'બોમ્બે ટાઈમ્સ ફેશન વીક' ૨૦૧૯ માં ગ્લેમરસ અંદાજમાં પહોંચી હતી. આ ફેશન શોમાં હિના ખાને તેના બેસ્ટ ફ્રેન્ડ પ્રિયાંક શર્મા સાથે રેમ્પ વોક કર્યું હતું.

ફોટામાં હિના ખાન પીચ કલરના ઓફ શોલ્ડર લહેંગામાં સ્ટાઇલીશ અંદાજમાં નજર આવી હતી. બીજી તરફ, પ્રિયાંક પીચ કલરની શેરવાનીમાં હેન્ડસમ લાગી રહ્યો છે. બંને ડિઝાઈનર સોનાલી જૈન માટે રેમ્પ વોક કર્યું હતું.

તમને જણાવી દઈએ કે, હિના અને પ્રિયાંક 'બિગબોસ ૧૧' માં નજર આવ્યા હતા અને શો દરમિયાન બંને ફ્રેન્ડ બન્યા હતા. બિગબોસ બાદ બંને કિચન ચેમ્પિયનમાં પણ નજર આવ્યા હતા.

ઉલ્લેખનીય છે કે, બહુ જલ્દી હિના ખાન બોલિવુડમાં એન્ટ્રી કરી શકે છે. પ્રાપ્ત માહિતી મુજબ, હિના ખાને તેના માટે તૈયારી પણ કરી લીધી છે. ફિલ્મમાં હિના ખાન એક જવાબદાર અને આત્મનિર્ભર યુવતીના રોલમાં નજર આવશે. ફિલ્મને હુસૈન ખાન ડિરેક્ટ કરશે અને રાહત કાઝમી તેના નિર્માતા છે. એવું કહેવામાં આવી રહ્યું છે કે, ફિલ્મનો સેટ કાશ્મીરમાં લાગશે જેમાં ૯૦ ના દાયકાનો માહોલ બતાવવામાં આવશે.

એક્ટ્રેસ હિના ખાન તેની એક્ટિંગની સાથે સાથે ફેશન સ્ટેટમેન્ટ માટે પણ ફેમસ છે. તે ટીવીની તે હસીનાઓમાંથી એક છે જે સ્ટાઈલમાં કોઈ બોલિવુડએક્ટ્રેસથી કમ નથી. હિનાની ઘણી તસવીરો સોશિયલ મીડિયા પર છવાયેલ રહેલ છે જેમાં તે તેના હુસ્નનો જલવો વિખેરતા નજર આવે છે. ૮ વર્ષ સુધી અક્ષરા બની દર્શકોના દિલ પર રાજ કરનાર હિના ખાન સતત ચર્ચામાં રહેતી હોય છે. સ્ટારપ્લસની સિરીયલ 'યે રિશ્તા ક્યાં કહેલાતા હે' ને અલવિદા કહ્યા બાદ હિના ખાનની કિસ્મતે એવી પલટી મારી કે બધા હેરાન રહી ગયા. તમને જણાવી દઈએ કે, હિના ખાન અવારનવાર તેના ફોટોશૂટની ઘણી તસવીરો સોશિયલ મીડિયા પર શેર કરતી હોય છે. જેને જોઈ કહી શકાય કે, ટીવીની આ સીધી સાદી બહુ 'ફેશન દિવા' બની ગઈ છે.