છેલ્લા બે મહિનામાં કોંગ્રેસના ચાર ધારાસભ્યો એ ખેસ ધારણ કર્યો છે. કુંવરજી બાવળીયા, જવાહર ચાવડા, પુરષોત્તમ સાબરીયા, આશા પટેલ ભાજપમાં જોડાયા છે. ભાજપે કોંગ્રેસના ધારાસભ્યો ને પક્ષપલટો કરાવી મંત્રીપદ સુધ્ધા આપ્યું છે. હવે ફરી એકવાર પક્ષપલટાનો દોર શરૂ થાય તેવા એંધાણ વર્તાઈ રહ્યા છે. કોંગ્રેસના પૂર્વ ધારાસભ્ય કમા રાઠોડ ભાજપના નેતાઓના સંપર્કમાં છે.

રાજ્યસભાની ચૂંટણી વખતે કોંગ્રેસના ધારાસભ્ય કમશી મકવાણા ભાજપમાં જોડાયા હતા ત્યારબાદ ભાજપે વિધાનસભામાં ચૂંટણીમાં કમશી મકવાણાના પુત્ર ને ટિકિટ આપી હતી. તેના કારણે નારાજ થઇ કમા રાઠોડે ભાજપમાંથી રાજીનામુ ધર્યું હતું. હવે કમા રાઠોડ ફરી ઘરવાપસી કરવા માગે છે. તેઓ તેમના સમર્થકો સાથે ભાજપમાં જોડાશે તેવું જાણવા મળ્યું છે.